Bakı. Trend:
Avstriyanın Mödlinq dairəsində qatarın relsdən çıxması nəticəsində azı 1 nəfər ölüb, 13 nəfər yaralanıb.
Trend-in məlumatına görə, bu barədə ölkənin "Kronen Zeitung" qəzeti xəbər verib.
Hadisənin səbəbləri açıqlanmayıb. Qəzetdən bildirilib ki, xilasedicilər və Qırmızı Xaç Cəmiyyətinin əməkdaşları hadisə yerində işləyirlər:
"Axau və Münhendorf arasında qatarların hərəkəti hazırda mümkün deyil. Səbəb bədbəxt hadisədir", - deyə "Avstriya Dəmir Yolları" şirkəti "Twitter" səhifəsində yazıb.