Bakı. Trend:
Bayram yarmarkasında telefonları oğurlayan şəxs saxlanılıb.
Daxili İşlər Nazirliyinin (DİN) Mətbuat xidmətindən Trend-ə verilən məlumata görə, dekabrın 31-də paytaxtın Səbail rayonu ərazisində 3 qadının mobil telefonlarının oğurlanması barədə Bakı Şəhər Baş Polis İdarəsində araşdırmalar aparılıb.
Müəyyən olunub ki, mobil telefonlar bayram yarmarkasında insanların sıx olduğu yerdə oğurlanıb.
Əməliyyat tədbirləri nəticəsində oğurluq əməllərində şübhəli bilinən Biləsuvar sakini, dəfələrlə məhkum olunmuş 24 yaşlı Ağamoğlan Abdalov saxlanılıb.