Azərbaycan, Bakı, 14 iyun /Trend, müxbir X.Murtuzayeva/
Avropanın ən varlı adamı "Zara" və "Massimo Dutti" brendlərinin sahibi ispan Amansio Orteqadır. "Bloomberg"in milyarderlər indeksinə görə, hazırda maqnatın sərvəti 39,5 milyard dollar təşkil edir. Bu barədə Trend Rusiya KİV-ə istinadən məlumat verir.
Beləliklə, Orteqa İsveçin IKEA mebel şirkətinin yaradıcısı və rəhbəri İnqrav Kampradı qabaqlayıb. Belə ki, isveçli milyarderin var-dövləti 37 milyard dollar həcmində qiymətləndirilir.
KİV-in qeyd etdiyi kimi, buna baxmayaraq, Avropanın ən varlı adamı Amansionun vətənində hazırda ağır maliyyə böhranı hökm sürür. İspaniya hökuməti Aİ-dən 125 milyard dollar həcmində borc istəyib. Ölkədə işsizliyin səviyyəsi 20 faizə çatıb.