Azərbaycan, Bakı / Trend müxbir K.Zərbalıyeva/ Ermənistan Silahlı Qüvvələrinin beş ay öncə girov götürdüyü Tərtər rayon sakini Anar Əliyev bu gün günorta saatlarında Azərbaycan tərəfinə təhvil verilib.
Əliyev bu il avqustun 2-də Ermənistanla sərhəddə Ermənistan Silahlı Qüvvələrinin əsgərləri tərəfindən girov götürülüb.
Beynəlxalq Qırmızı Xaç Komitəsinin (BQXK) mətbuat xidmətindən verilən məlumata görə, girovun geri qaytarılması Ağdam rayonu ərazisində həyata keçirilib.
BQXK-nin məlumatına görə, Bakıda girovluqda saxlanılan Ermənistan vətəndaşı Valeriy Süleymanyan da öz ölkəsinə təhvil verilib.
Ötən il dekabrın 24-də Ermənistan Silahlı Qüvvələri tərəfindən əsir götürülən Azərbaycan vətəndaşı Samir Məmmədov isə hələ də əsirlikdədir.