Azərbaycan Müdafiə Nazirliyi: Ermənistan Silahlı Qüvvələrinin bölmələri müxtəlif istiqamətlərdə atəşkəs rejimini pozublar

Azərbaycan, Bakı, 18 noyabr / Trend , müxbir K.Zərbalıyeva/

Ermənistan Silahlı Qüvvələrinin bölmələri noyabrın 17-də saat 13.25-dən 13.35-dək və 17.00-dan 17.25-dək Ermənistan Respublikasının Berd rayonunun Mosesqerx və Çinarlı kəndindəki mövqelərdən Tovuz rayonunun Əlibəyli, Koxanəbi və Ağbulaq kəndlərində yerləşən mövqelərimizi, saat 17.35-dən 17.45-dək və 20.15-dən 20.25-dək Füzuli rayonunun Aşağı Əbdülrəhmanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Bu barədə Azərbaycan Respublikası Müdafiə Nazirliyinin mətbuat xidmətindən məlumat verilib.

Bütün hallarda düşmən cavab atəşilə susdurulub.

İtki yoxdur.