Azərbaycan, Bakı, 6 oktyabr /Trend, müxbir K. Zərbalıyeva/
Ermənistan, qoşunların təmas xəttində atəşkəs rejimini pozub. Müdafiə Nazirliyi mətbuat xidmətininn çərşənbə günü yaydığı məlumata görə, Ermənistan silahlı qüvvələrinin bölmələri oktyabrın 5-də saat 10:30-dan 10:40-dək və 14:30-dan 14:35-dək Xocavənd rayonu ərazisindəki adsız yüksəkliklərdə yerləşən mövqelərdən;
saat 19:10-dan 19:25-dək Füzuli rayonunun Aşağı Əbdülrəhmanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.