Azərbaycan, Bakı, 30 avqust /Trend, müxbir K.Zərbalıyeva/
Ermənilərin atəşkəsi pozması nəticəsində Azərbaycan Ordusunun əsgəri yaralanıb.
Müdafiə Nazirliyinin mətbuat xidmətinin rəhbəri Eldar Sabiroğlu Trend-ə bildirib ki, cəbhənin Füzuli rayonu istiqamətində atəşkəsin pozulması nəticəsində əsgər İlkin Kamal oğlu Petiyev ayağından yaralanıb və hospitala yerləşdirilib. Yaralı əsgərin vəziyyəti kafi qiymətləndirilir.
Qeyd edək ki, dünən ermənilərin atəşkəsi pozması nəticəsində gizir Müşfiq İlham oğlu Bayramov şəhid olub.