...

Erməni əsirliyində olan Azərbaycan əsgəri ailəsinə xəbər göndərib

Ermənistan-Azərbaycan münaqişəsi Materials 1 İyul 2013 13:11 (UTC +04:00)
Beynəlxalq Qızıl Xaç Komitəsinin (BQXK) Ermənistandakı nümayəndələri Azərbaycan Ordusunun erməni əsirliyində olan əsgəri Fərəcov Firuz Mirzə oğluna baş çəkiblər. BQXK nümayəndələri əsirə onun ailəsindən məlumat çatdırıb və ondan da ailəsi üçün məlumat alıblar.
Erməni əsirliyində olan Azərbaycan əsgəri ailəsinə xəbər göndərib

Trend-i buradan izləyin

Azərbaycan, Bakı, 1 iyul /Trend, müxbir İ.İzzət/

Azərbaycan Ordusunun erməni əsirliyində olan əsgəri Fərəcov Firuz Mirzə oğluna baş çəkən Beynəlxalq Qızıl Xaç Komitəsinin (BQXK) Ermənistandakı nümayəndələri əsirə onun ailəsindən məlumatlar çatdırıb və ondan da ailəsi üçün məlumat alıblar.

Bu barədə Trend-ə BQXK-nin Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova bildirib. Onun sözlərinə görə, başçəkmə iyunun 28-də baş tutub.

Xatırladaq ki, 1992-ci il təvəllüdlü əsgər Fərəcov Firuz Mirzə oğlu ötən ilin iyulunda qoşunların təmas xəttinin Tovuz rayonu istiqamətində azaraq erməni silahlı bölmələri tərəfindən əsir götürülüb.

Artıq Fərəcovun göndərdiyi məlumat onun valideynlərinə çatdırılıb. Əsirin məlumatı şifahi və ya yazılı formada göndərdiyi barədə hələlik heç bir məlumat verilmir.

Məqalədə:
Xəbər lenti

Xəbər lenti