Azərbaycan, Bakı, 27 iyun /Trend, müxbir İlkin İzzət/
Bu gün cəbhənin Qazax rayonu istiqamətində erməni silahlı bölmələri atəşkəs rejimini pozub.
Müdafiə Nazirliyinin mətbuat xidmətindən Trend-ə verilən məlumata görə, düşmənin avtomat silahından açılan atəşdən güllə daşa dəyib və daşdan qopan qəlpələrdən Silahlı Qüvvələrin zabiti leytenant Məlikov Famil Amil oğlu xəsarət alıb.
İlkin tibbi yardım göstərilən leytenant F.Məlikovun səhhəti ilə bağlı narahatçılığa heç bir əsas yoxdur.