Azərbaycan, Bakı, 5 fevral /Trend/
Rusiya Dağlıq Qarabağda vəziyyətin ciddi kəskinləşməsindən narahatdır. Trend-in TASS-a istinadən verdiyi məlumata görə, bunu Rusiya Xarici İşlər Nazirliyinin rəsmi nümayəndəsi Aleksandr Lukaşeviç brifinqdə deyib.
Onun sözlərinə görə, Azərbaycan və Ermənistan qoşunlarının təmas xəttində və Ermənistan-Azərbaycan sərhədində vəziyyət çox gərgin olaraq qalır.
A.Lukaşeviç qeyd edib ki, ATƏT-in monitorinq missiyasının məlumatına görə, bu ilin yanvarında münaqişə zonasında 12 nəfər ölüb, 18-i isə yaralanıb.
XİN rəsmisi bildirib: "Tərəfləri gərginliyin azaldılması üçün fəal tədbirlər görməyə təkidlə çağırırıq".