Bir gün əvvəl axşam Azərbaycanın işğal olunmuş ərazilərində Ermənistanın hərbi texnikasının yerinin dəyişdirilməsi halı qeydə alınıb. Trend in Qarabağ bürosundan verilən xəbərə görə, yerdəyişməni yerli sakinlər axşam təxminən saat 21.00-22.00 arası işğal altında olan Cəbrayıl rayonunun Lələ-təpə ərazisində müşahidə ediblər.
Lələ-təpədə hərbi texnikanın bu cür yerdəyişməsi yerli sakinlər tərəfindən təxminən 10 gün əvvəl də müşahidə olunub.
Azərbaycanın Müdafiə Nazirliyinin mətbuat xidmətində bu informasiyaya dair şərh verməkdən imtina ediblər.