Azərbaycan, Bakı/ Trend müxbir A.İsmayılova/ Minsk qurpunun fransalı həmsədri Bernar Fasiye qurumun fəaliyyətinə inamsızlıqla bağlı sualı cavablandırarkən bəyan edib ki, Dağlıq Qarabağ münaqişəsinin həlli ATƏT-in Minsk qrupunun üzvü olan Fransa, Rusiya və ABŞ-dan asılı deyil. Fasiye bildirib ki, münaqişənin həlli Azərbaycan və Ermənistan rəhbərliyinin siyasi iradəsindən asılıdır. "Biz enerji və bacarığımızı sərf etməyə hazırıq, amma söhbət sizin ölkələriniz arasındakı sülhdən gedir",-deyə o söyləyib.
Amerikalı həmsədr Metyu Brayza əlavə edib ki, əgər ümidsiz hesab etsəydi, bu məsələ ilə məşğul olmazdı. "Mən sözümü havaya atmıram. Ola bilsin ki, Sankt-Peterburqda olacaq görüş münaqişənin tənzimlənməsində katalizator olacaq", - deyə o qeyd edib.