Azərbaycan, Bərdə / Trend , müxbir Ş. Cəliloğlu/ Azərbaycan Ərazilərinin Minalardan Təmizlənməsi üzrə Milli Agentliyin (ANAMA) əməkdaşları Xocavənd rayonunun işğaldan azad olunan ərazilərində minadan təmizləmə işlərinə başlayıb. ANAMA-nın reqional şöbəsindən cümə axşamı verilən məlumata görə, Xocavənddə 12 mln. kvadrat metr ərazi mina və partlamamış döyüş sursatları ilə çirklənib. Sözügedən ərazidə birinci mərhələdə 114 min kvadrat metr ərazi minalardan təmizlənəcək. Bu işə iki minaaxtaran maşın, xüsusi hazırlanmış itlər, üç mina axtaran qrup cəlb olunub.
Həmin ərazidə müxtəlif vaxtlarda mina partlayışları baş verib. Nəticədə ölən və yaralananlar olub.
