Azərbaycan, Bakı / Trend müxbir E. Hüseynli/ Azərbaycan və Litva arasında Hərbi Əmkdaşlıq Planı çərşənbə axşamı iki ölkə müdafiə nazirləri Səfər Əbiyev və Youzas Olekas tərəfindən imazalanıb.
Azərbaycan müdafiə naziri oktyabrın 2-də Bakıda Litvalı həmkarı ilə keçirdiyi görüşdə hər iki ölkə arasındakı dostluq münasibətlərinin mövcud inkişaf səviyyəsinin qənaətbəxş olduğunu diqqətə çatdırmışdır. Bu haqda nazirliyin mətbuat xidməti zəbər yayıb.
"Litva Respublikasının NATO-ya üzv olması və onun bu yolda əldə etdiyi təcrübə Azərbaycanın maraq dairəsindədir" - deyə Azərbaycan müdafiə naziri bildirmişdir. Onun sözlərinə görə, Azərbaycan bu təcrübəni diqqətlə izləyir.
Öz növbəsində Litva Milli müdafiə naziri iki ölkə arasında əlaqələrin daha da inkişaf etdirilməsinin zəruriliyini vurğuladı.