Azərbaycan, Bakı/ Trend , müxbir İ.Əlizadə/ Baltik Assambleyasının 26-cı sessiyası və Baltik Şurasının 13-cü iclası noyabrın 22-25-də Latviyanın paytaxtı Riqada keçiriləcək. Bu barədə çərşənbə günü Milli Məclisdən məlumat verilib. Ukrayna, Belarus, Moldova, Finlandiya, Gürcüstan və digər ölkələrin nümayəndələrinin iştirak edəcəkləri tədbirlərdə Azərbaycanı Milli Məclisin deputatı Vidadi Məmmədov təmsil edəcək. İclaslarda Baltikyanı dövlətlərin ümumi enerji siyasəti, ətraf mühitin və mədəni irsin qorunması, Avropa dəyərlərinə inteqrasiya, parlamentlər səviyyəsində siyasi dialoq, Assambleyanın 2008-ci il büdcəsinin təsdiqi və cari məsələlər müzakirə olunacaq. Tədbir çərçivəsində, "Baltikyanı dövlətlər və Avropa Qonşuluq Siyasəti" mövzusunda konfrans keçiriləcək.
...
