Azərbaycan, Bakı, 21 fevral / Trend , müxbir S. Babayeva / Təhsil Nazirliyi Tələbə Qəbulu üzrə Dövlət Komissiyasının tələbə qəbulu qaydalarına bu yaxınlarda daxil etdiyi dəyişiklikləri müsbət qiymətləndirir, baxmayaraq ki, onlar idarə ilə razılaşdırılmayıb, - cümə axşamı Azərbaycanın təhsil naziri Misir Mərdanov deyib.
"Baxmayaraq ki, bizimlə [Təhsil Nazirliyi ilə] heç bir razılaşma olmayıb, şagirdlər üçün imkanlar genişlənir", - o deyib.
2008-ci il tələbə qəbulu qaydalarına edilən dəyişikliklər bunlardır:
- Bütün ixtisas qruplarında bütün fənlər üzrə 25 imtahan sualı (cəmi 125 sual) olacaq.
- Birinci ixtisas qrupunda fizika və riyaziyyat üzrə əmsal 2 təyin edilib (əvvəl riyaziyyat üzrə əmsal 2,5, fizika üzrə isə, 1,5 təşkil edib).
- Rus bölməsində azərbaycan dili üzrə 30 imtahan sualı olacaq (ötən il 20 olub).
- "Psixologiya" ixtisası üçüncü ixtisas qrupundan dördüncüyə keçirilib.
- Mülki ATM abituriyentlərinin və orta təhsil bazasında orta xüsusi təlim müəssisələrinə daxil olanların ərizələrini internet vasitəsilə qəbul etmək qərara alınıb.
- Xüsusi qabilliyyət tələb edən ixtisaslar üzrə musabiqə, abituriyent qabiliyyətinin aşkarlanması üzrə imtahanda abituriyentlərin topladığı orta bal əsasında keçiriləcək. Lakin abituriyentlərin müsabiqəyə buraxılması üçün toplanılan balların TQDK-nın müəyyən etdiyi tələblərlə uyğunluğu hesaba alınacaq.
- ATM-lərə qəbulun nəticələri elan edildikdən sonra, daxil olmayan abituriyentlər üçün ixtisas seçimi və orta təhsil bazasında orta xüsusi ixtisas təhsil məktəbləri üzrə müsabiqə keçiriləcək. Abituriyentlər ixtisasları İnternet vasitəsilə seçəcəklər.
