Fransa, Strasburq, 27 mart/ Trend müxbir A. Məhərrəmli/ Avropa İnsan Haqları Məhkəməsinin (AİHM) sədri Jan Pol Kosta (Jean-Paul Costa) 1-5 may 2008-ci il tarixlərində Azərbaycana səfər edəcək. Bu barədə Trend ə Azərbaycanın Avropa Şurası Yanında Daimi Nümayəndəliyindən məlumat verilib.
İnsan hüquqlarının AİHM-lə əlaqələndirmə Komitəsinin iclasında çıxış edən Kosta bildirib ki, cari ildə bir neçə üzv dövlətlərə səfər edəcək. Səfər həmin ölkələrdəki hüquq sisteminin inkişafı, AİHM-in çıxardığı qərarların icrası, yerli məhkəmələrlə AİHM arasında əlaqələrin daha gücləndirilməsi məqsədi daşıyır.
Jan Pol Kostanın cari ildə Slovakiya, Andorra, Niderland, Finlandiya, İsveçrə, Yunanıstan, Kipr və Polşaya da səfər edəcəyi bildirilir.