Azərbaycan, Bakı, 02 may / " müxbir S.Ağayeva/ "Demokratiya və iqtisadi inkişaf uğrunda təşkilat - GUAM"ın Milli Koordinatorları Kişinyovda dövlət başçıları sammitinin sənədlərini hazırlayacaqlar. Bu barədə cümə günü Trend a Azərbaycanın GUAM-da daimi nümayəndəsi Səbuhi Temirov bildirib. Gürcüstan, Ukrayna, Azərbaycan və Moldova Milli Koordinatorlarının görüşünün mayın 13-də Moldova paytaxtında keçirilməsi nəzərdə tutulub.
Görüş zamanı dörd ökənin xarici işlər nazirlərinin müavinləri cari ilin iyun ayında dövlət başçılarının Tbilisidə keçiriləcək sammitinə hazırlıq məsələlərini müzakirə edəcəklər.
GUAM-ın formatı 1997-ci ildə Strasburqda Avropa İttifaqı dövlət başçılarının Sammiti zamanı postsovet dövlətləri tərəfindən yaradılıb. 1999-cu ildə Özbəkistan bu formata daxil olsa da, dörd ildən sonra onu tərk edib. 2006-cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf uğrunda təşkilat- GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan : trend