Azərbaycan, Bakı, 15 may/ Trend müxbir M.Əliyev/ ATƏT-in Bakı ofisi Xətai rayon məhkəməsinin Seçkilərin Monitorinqi Mərkəzinin qeydiyyatının ləvği haqqında qərarı ilə bağlı təəssüf edir.
Təşkilat içtimai təşkilatların qeydiyyatına yardım etməyə və bu təşkilatlara qeydiyyat zamanı yaranan texniki səhvləri düzəltmək üçün imkan yaratmağa çağırıb.
"Demokratik sistemdə hakimiyyət vətəndaş cəmiyyətinin müsbət rolunu tanımalı və dəstəkləməlidir. Azərbaycan ATƏT-də iştirak edən dövlət kimi seçkilərin daxili müşahidəsinin vacibliyini və qeyri-hökumət təşkilatlarının insan hüquqlarının, demokratiya və qanunun aliliyinin təşviqində oynadığı rolun əhəmiyyətini tanıyıb", - ATƏT-in Bakı ofisinin rəhbəri, səfir Xose-Luis Errero bildirib.
ATƏT Azərbaycan hakmiyyətini vəziyyətin müəyyənləşdirilməsi və seçkilərin müşahidəsi üzrə mərkəzin yaxın vaxtlarda qeydiyyatdan keçməsi üçün ondan asılı olan hər bir şeyi etməyə çağırır.
SMM təsis sənədlərini Ədliyyə Nazirliyinə ilk dəfə 2006-cı il martın 14-də təqdim edib. Nazirliyin müvafiq orqanları SMM-ə dövlət qeydiyyatının verilməsinə beş dəfə rədd cavabı veriblər. Bu ilin fevralında Mərkəz qeydiyyatdan keçirilib. Mərkəz Azərbaycanda keçirilmiş altı seçkinin monitorinqini aparıb və dörd min müşahidəçi üçün treninqlər təşkil edib.
Bakının Xətai rayon məhkəməsi çərşənbə günü Seçkilərin Monitorinqi Mərkəzinin (SMM) qeydiyyatını ləğv edib. Məhkəmə SMM-in qeydiyyatının etibarsız olmasının tanınması və ləvği haqqında Ədliyyə Nazirliyinin Qeydiyyat və Notariat Baş İdarəsinin iddiasını təmin edib.
Ədliyyə Nazirliyi qeydiyyatın ləğvi haqqında öz qərarını, təşkilatın təsis sənədlərində təsisçilər haqqında qeyri-müəyyən məlumatın verilməsi, nazirliyinin Mərkəzin hüquqi ünvanının dəyişdirilməsi haqqında məlumatlandırılmaması, təşkilatın SMM-in Azərbaycanın səkkiz şəhərində yerləşən nümayəndəliklər haqqında məlumatı dövlət reyestrinə daxil etməməsi ilə əsaslandırıb.
Müəlliflə əlaqə saxlamaq üçün elektron ünvan: [email protected]
