Gürcüstan, Tbilisi, 22 may / Trend , müxbir N.Kirtsxaliya/ Gürcüstanlı politoloq Zaxariya Kutsnaşvili hesab edir ki, böyük ehtimal ki, Gürcüstanda keçirilən parlament seçkiləri ilə bağlı nəticələr elan olunduqdan sonra idarəsi mümkün olmayan proseslər inkişaf edəcək. "Parlament seçkilərindəki qələbəsini exit-poll vasitəsilə möhkəmlətmək istəyən hakimiyyət tərəfindən atılan addımlar idarəsi mümkün olmayan proseslərin inkişafına gətirib çıxarda bilər. Bu isə öz növbəsində ölkədəki ümumi vəziyyəti daha da gərginləşdirə bilər", - Kutsnaşvili Trend -a cümə axşamı bildirib.
Gürcüstanda ölkə televiziyalarının sifarişilə dörd qeyri-hökumət təşkilatı tərəfindən keçirilən exit-pollun məlumatları ötən gecə dərc olunub. Ekzitpolların məlumatlarına əsasən, iqtidarda olan - "Vahid Milli Hərəkat" partiyası Gürcüstan parlamentinə keçirilən seçkilərdə qətiyyətlə (63,1 faiz) liderlik edir.
"Gürcüstan cəmiyyətində exit-polla inam yüksək deyil və bu, mövcud şəraitdə öküz üçün qırmızı material rolunu oynayacaq", - Kutsnaşvili deyib. Onun fikrincə, hakimiyyət parlamet seçkilərindən dərhal sonra exit-pollun nəticələrini elan etməməliydi.
Kutsnaşvili hesab edir ki, "Rusiya ilə əlaqələrin gərgin olduğu şərait" fonunda vəziyyəti bu səviyyəyə gətirmək lazım deyildi. "Gürcüstanın iki siyasi gücü arasında konsensus əldə olunmalıdır", - ekspert əlavə edib.
Exit-poll İlya Çavçavadze adına Dövlət Universiteti, Qafqazın Sülh, Demokratiya və İnkişaf İnstitutu, Gürcüstanın İctimai İşlər İnstitutu ("GIPA"), Gürcüstanın Strateji və Beynəlxalq Tədqiqatlar Fondu tərəfindən keçirilib.
"Birləşmiş müxalifət - Milli Şüra - Yenilikçilər" bloku 14,2 faiz, Xristian-demokratik hərəkat (Qiorqi Tarqamadze) 9,5 faiz, digərləri isə 6 faizdən az səs toplayıblar. Exit-poll təşkilatçılarından biri Çavçavadze adına Dövlət Universitetinin rektoru Qiqi Tevzadze bildirib ki, MSK-nın rəsmi nəticələrini gözləmək lazımdır, lakin "çətin ki, onlar ekzitpolların nəticələrindən çox fərqlənsin".
