Ukrayna, Kiyev, 22 may / Trend , müxbir Z.Novosvitski/ Ukrayna və Azərbaycanın baş nazirləri Yuliya Timoşenko və Artur Rasizadə Minskdə danışıqlar aparacaqlar. Bu barədə Trend a cümə axşamı Ukrayna Nazirlər Kabineti Katibliyinin KİV ilə əlaqələr üzrə İdarəsindən məlumat verilib.
Ukraynanın Baş naziri Yuliya Timoşenko mayın 23-də MDB hökumət başçıları Şurasının növbəti iclasında iştirak etmək məqsədi ilə Belarusa işgüzar səfər edəcək. Səfər zamanı Ukraynanın hökumət başçısının ikitərəfli görüşlər keçirəcəyi, xüsusilə də Azərbaycanın Baş naziri Artur Rasizadə və Rusiya hökumətinin rəhbəri Vladimir Putinlə görüşü planlaşdırılır.
Məqalə müəllifi ilə əlaqə ünvanı: trend
