Azərbaycan, Bakı, 26 may/ Trend , müxbir E.Babayev/ Azərbaycanın müxalif Müsavat Partiyası mayın 28-də Bakının Novxanı qəsəbəsində aksiya keçirəcək. "Toplantı Azərbaycan Xalq Cümhuriyyətinin (AXC) banisi Məmməd Əmin Rəsulzadənin heykəli önündə olacaq",- deyə bazar ertəsi Trend a Müsavatın Mərkəzi İcra Aparatının rəhbəri Arif Hacılı məlumat verib.
Mayın 28-də AXC-nin (1918-20) 90 illik yubileyi tamam olur. Yubiley tədbirləri dövlət səviyyəsində qeyd olunur.
Hacılı bildirib ki, aksiyada partiyanın rəhbərliyi çıxış edəcək və AXC-nin Azərbaycan tarixində oynadığı roldan söhbət açılacaq. Bundan başqa, Rəsulzadənin qohumları ilə görüş keçiriləcək.
Müxalifəti təmsil edən Müsavat Partiyası 1992-ci ildə yaradılıb. Partiyanın başqanı İsa Qəmbər Azərbaycan parlamentinin eks-spikeri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub. Partiya beş nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]
