Azərbaycan, Bakı, 29 may/ Trend , müxbir E.Babayev/ Hakim Yeni Azərbaycan Partiyası (YAP) Beynəlxalq Asiya Siyasi Partiyalar Konfransının (BASPK) Daimi Komitəsi ilə birgə Bakıda tədbirlər keçirəcək. Bu barədə cümə axşamı Trend -a YAP icra katibinin müavini, millət vəkili Mübariz Qurbanlı məlumat verib
Trend -un arayışı: BASPK-ın mərkəzi qərargahı Seulda yerləşir. Qurumun Daimi Komitəsinin 9-cu iclası bu il martın 29-da Pakistanda keçirilib. Asiyanın 51 siyasi partityasının iştirakı ilə keçirilən iclasda "Siyasi korrupsiyaların qarşısının alınmasında siyasi partiyaların fəaliyyətinə dövlət yardımı" mövzusunda seminar keçirilməsi qərarı verilib. YAP 2002-ci ildən BASPK-ın üzvüdür.
Qurbanlı bildirib ki, bu il may ayının 23-25-də Koreyanın paytaxtı Seulda "Siyasi korrupsiyaların qarşısının alınmasında siyasi partiyaların fəaliyyətinə dövlət yardımı" mövzusunda keçirilən seminarda YAP BASPK-ın Daimi Komitəsi ilə birgə Bakıda tədbirlər keçirmək niyyətini bəyan edib. Bu məqsədlə YAP nümayəndə heyəti Daimi Komitənin həmsədrləri ilə müzakirələr aparıb. Qurbanlı bildirib ki, Bakıda keçirilməsi planlaşdırılan tədbirin mövzusu və vaxtı gələcək müzakirələrdə müəyyən olunacaq.
YAP 1992-ci ildə o vaxt Naxçıvan Ali Məclisinin sədri olan Heydər Əliyev tərəfindən yaradılıb. Azərbaycanda 14 ildən artıqdır hakim partiya olan YAP-ın indiki sədri prezident İlham Əliyevdir
Məqalə müəllifi ilə əlaqə ünvanı: [email protected]