Azərbaycan, Bakı, 04 iyun / Trend , müxbir M.Əliyev/ Ukrayna və Azərbaycan uçuş heyətinin hazırlanması üzrə birgə Aviasiya mərkəzi yaratmaq niyyətindədirlər. Bu barədə Ukrayna Müdafiə Nazirliyinin mətbuat xidmətinin çərşənbə günün yayılan məlumatında bildirilir.
Mərkəzin yaradılması ilə bağlı məsələ Ukraynanın müdafiə naziri Yuri Yexanurovun Azərbaycana səfəri zamanı müzakirə olunub.
"Razılaşma var, biz bu barədə Azərbaycan prezidenti ilə görüş zamanı bir daha söhbət apardıq. Lakin mərkəzin yaradılması üçün həll edilməmiş xeyli texniki məsələ qalmaqdadır", - deyə Yexanurov bildirib.
Yexanurov müdafiə və təhlükəsizlik məsələləri üzrə Ukrayna-Azərbaycan komissiyasının yaradılması mövqeyindən çıxış edir.
İyunun ikisində Yexanurov Azərbaycana səfər edib. May ayında Ukrayna və Azərbaycan dostluq və strateji tərəfdaşlıq barədə müqavilə imzalayıblar.
Məqalə müəllifi ilə əlaqə ünvanı trend