Fransa, Strasburq, 29 sentyabr/ Trend , müxbir A.Məhərrəmli/ Azərbaycana mədəniyyətlərarası dialoqun möhkəmləndirilməsi üzrə milli strategiyanın hazırlanması təklif olunub.
"Azərbaycan mədəniyyətlərarası dialoqda mühüm rol oynayır və bu dialoqun inkişafına əhəmiyyətli töhfələr verib", - deyə bazar ertəsi Strasburqda Trend - a BMT-nin mədəniyyətlərarası dialoq üzrə sədri, Portuqaliyanın keçmiş prezidenti Jorj Sampayu bildirib.
BMT-yə üzv dövlətlərə mədəniyyətlərarası dialoqun möhkəmləndirilməsi üzrə milli strategiyanın hazırlanması təklif olunub. "Azərbaycan da bu sahədə öz milli strategiyasını hazırlaya bilər", - deyə Sampayu bildirib.
BMT mədəniyyətlər arasında körpünün qurulmasına yönələn "Mədəniyyətlərarası Alyans" təşəbbüsü ilə çıxış edib. Alyans təhsil, insan haqları, hüquqi dövlət və demokratiya kimi sahələrə diqqətin gücləndirilməsi üçün mandat alıb.
Məqalə müəllifi ilə əlaqə ünvanı - trend