Azərbaycan, Bakı, 15 oktyabr / Trend , müxbir C.Babayeva/ Azərbaycan Mərkəzi Seçki Komissiyasının sədri Məzahir Pənahov bütün televiziya kanallarına müraciət edib ki, veb-kameralar quraşdırılmış seçki məntəqələrindən canlı yayım versin.
"İlkin nəticələr axşam saat 10:00-da açıqlanacaq" çərşənbə günü MSK-nın Seçkilər İnformasiya Mərkəzində keçirdiyi mətbuat konfransında Pənahov deyib.
Azərbaycanda prezident seçkisi oktyabrın15-də keçiriləcək. Prezident seçkisində yeddi namizəd - Yeni Azərbaycan Partiyasının (YAP) sədri, hazırkı dövlət başçısı İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edəcək.
Pənahovun sözlərinə görə, bütün sekçi məntəqlərindən səslərin hesablanması gecə saatlarında başa çata bilər. Lakin Seçki Məcəlləsinə əsasən, səsvermənin rəsmi nəticələri səsvermə günündən 48 saat sonra açıqlanacaq.
MSK jurnalistləri məntəqələrdə qanun pozuntuları olduğu halda, müvafiq qurumlara müraciət etməyə çağırıb.
Məqalə müəllifi ilə əlaqə ünvanı: [email protected]