Azərbaycan, Bakı, 22 oktyabr / Trend , müxbir S.Kazımlı/ İran vətəndaşının evindən oğurluq etmiş Bakı şəhər sakini saxlanılıb.
Bakı Şəhər Baş Polis İdarəsinin mətbuat xidmətindən çərşənbə günü verilən məlumata görə, oktyabrın 21-də əvvəllər məhkum olunmuş 34 yaşlı Əhmədov Rövşən Cavanşir oğlu İran vətəndaşı Şəhram Pərviz Firidun oğlunun mənzilindən 3 mobil telefon, 46 min İran realı və qızıl-zinət əşyaları oğurlayıb.
Əhmədov İran vətəndaşının mənzilinə pəncərənin şüşəsini sındırmaq yolu ilə keçib.
Yasamal rayon Polis İdarəsinin 26-cı polis şölməsinin əməkdaşları tərəfindən saxlanılan Əhmədov barəsində cinayət işi açılıb.
Məqalə müəllifi ilə əlaqə ünvanı: [email protected]