Azərbaycan, Bakı, 14 noyabr / Trend , müxbir K. Zərbalıyeva / Azərbaycan Beynəlxalq Universitetinin tələbəsini qətlə yetirən şəxs 10 il azadlıqdan məhrum edilib.
Cümə günü Ağır Cinayətlərə Dair İşlər Üzrə Məhkəmədə keçirilən prosesdə ABU - nun 2 - ci kurs tələbəsi Nihad Abbasovu bıçaqla qətlə yetirən Əlirəhman Əliyevin məhkəməsi yekunlaşıb.
Əliyev bu il martın 25 - də Nərimanov rayonu, Gəraybəyli küçəsində Abbasovu ov bıçağı ilə öldürüb.
Təqsirləndirilən məhkəməyə ifadəsində istindaqdakı ifadəsini təkzib edib və bildirib ki, həmin gün küçədən keçərkən bir nəfərin yerdə uzandığını görüb. Ona yaxınlaşanda, həmin şəxsin bıçaqlandığını bilib vəAbbasovaun bədəninə sancılmış bıçağı çıxararaq yerə atıb.
Əliyev bu il aprelin 22 - də həbs olunub.
Məhkəmə onun ifadəsini doğru qəbul etməyib və Əliyevi təqsirli bilərək, barəsində ittiham hökmü çıxarıb.
Məqalə müəllifi ilə əlaqə ünvanı: [email protected]
