PremiumAzərbaycanın soltəmayüllü olmayan partiyası Solçu Qüvvələr Birliyində təmsil oluna bilər

Trend -un arayışı: Azərbaycan Sosialist, Kommunist, Vahid Kommunist partiyaları və Marksizm-Leninizm platformasında Azərbaycan Kommunist Partiyası Solçu Qüvvələr Birliyini  yaradıb. Birliyin yaradılmasında məqsəd bələdiyyə və parlament seçkilərində vahid platformadan çıxış etməkdir.

Güləliyevin sözlərinə görə,  o, birlikdə təmsil olunmaqla bağlı ilkin danışıqlarda öncə fəaliyyət istiqamətlərinin  müəyyənləşdirilməsinin vacibliyini bildirib. "İstənilən birliyin fəaliyyəti konkret problemin həllinə yönəlməlidir. Hələlik sol partiyaların konkret problemlərə yanaşması bəlli olmadığına görə, Solçu Qüvvələr Birliyində təmsil olunmaq məsələmiz açıq qalır", deyə AYP sədri bildirib. 

Solçu Qüvvələr Birliyinin həmtəsisçisi, Azərbaycan Kommunist Partiyasının sədri Rauf Qurbanov Trend -a birlikdə təmsil olunmaqla bağlı Yaşıllar Partiyasına müraciət olunması barədə yayılan məlumatları həqiqətə uyğun olmayan adlandırıb.

"Solçu qüvvələr birliyi hələ təsis olunmayıb və əsasnamə üzərində iş gedir. Təsis olunmamış qurumun hər hansı partiyaya müraciət etməsi qeyri-ciddi səslənir. Təsisçilər dəfələrlə bildirib ki, birliyin formatı dəyişməz olaraq qalacaq. Gələcəkdə birlik hər hansı partiyaya müraciət etmək fikrində olmayacaq, hər hansı partiya özünü bu birlikdə görmək istəyəcəksə, həmin partiyalar birliyə müraciət edəcək", deyə Qurbanov bildirib.