Azərbaycan, Bakı, 28 dekabr / Trend / Azərbaycan prezidenti İlham Əliyev dekabrın
28-də Rusiya Federasiyası Prezidenti Administrasiyasının
rəhbəri Sergey Narışkini qəbul edib. Bu
barədə AzərTAc Dövlət İnformasiya Agentliyi
xəbər yayıb.
Sergey Narışkin Rusiya Prezidenti Dmitri Medvedevin
salamlarını və qarşıdan gələn Yeni il
bayramı münasibətilə təbriklərini Prezident
İlham Əliyevə çatdırıb.
Görüşdə Azərbaycan ilə Rusiya arasında
ikitərəfli münasibətlərin müxtəlif
sahələrdə uğurla inkişaf etdiyi vurğulanıb,
əlaqələrin bundan sonra da
genişlənəcəyinə və
möhkəmlənəcəyinə əminlik ifadə olunub.
İlham Əliyev Rusiya Prezidentinin Yeni il təbriklərinə
görə təşəkkürünü bildirib, onun da
salamlarını və bayram təbriklərini Dmitri
Medvedevə çatdırmağı xahiş edib.