Azərbaycan, Bakı, 25 fevral / Trend , müxbir K.Zərbalıyeva /
Mingəçevir şəhərindəki 12 saylı orta məktəbə bomba qoyulması barədə tədris ocağına anonim zəng olub.
DİN-in mətbuat xidmətindən çərşənbə günü Trend -a verilən məlumata görə, məktəbin direktoru polisə zəng edərək naməlum şəxsin ona zəng edərək məktəbə partlayıcı maddə qoyulması barədə məlumat verdiyini bildirib.
Görülən tədbirlər nəticəsində məlumat təsdiqini tapmayıb.
Keçirilmiş əməliyyat-axtarış tədbirləri nəticəsində məktəbə partlayıcı maddə qoyulması barədə yalan məlumatın həmin məktəbin 10-cu sinif şagirdi tərəfindən verilməsi müəyyən edilib.
Faktla bağlı cinayət işi açılıb.
Məqalə müəllifi ilə əlaqə ünvanı:[email protected]