Gürcüstan, Tbilisi, 25 mart / Trend , müxbir N.Kirtsxaliya /
Parlament Aparatının başçısı David Caniaşvilinin jurnalistlərə dediyinə əsasən, Gürcüstanda parlament binasının gücləndirilməsi istiqamətində aparılan işlərin aprelin 9-na planlaşdırılan aksiya ilə əlaqəsi yoxdur.
"Bir neçə gündür binada bərkitmə işləri aparılır, birinci mərtəbədəki pəncərələrdə dəmir hörmələr quraşdırılır və giriş qapıları möhkəmləndirilir", - Caniaşvili deyib.
Onun sözlərinə görə, işlər ilin əvvəlində hazırlanmış plan üzrə gedir.
Aprelin 9-da Gürcüstan müxalifəti Prezident Mixail Saakaşvilinin istefası tələbi ilə parlament qarşısında aksiya planlaşdırıb.
Məqalə müəllifi ilə əlaqə ünvanı: [email protected]