Gürcüstan, Tbilisi, 27 mart / Trend müxbir N.Kirtsxaliya/ Gürcüstan parlamentinin Tsaqeridən olan deputatı Karlo Kopaliani bu gün "Güclü Gürcüstan" fraksiyasını tərk edib.
Kopalianinin sözlərinə görə, onun baxışları ilə bu müxalifət partiyasının baxışları üst-üstə düşməyib.
"Fraksiyada hesab edirlər ki, aprelin 9-dakı aksiya baş tutmamalıdır, mən isə başqa fikrin tərəfdarıyam və qeyri-parlament müxalifətini dəstəkləyirəm", - o deyib.
Kopaliani qeyd edib ki, başqa heç bir fraksiyaya daxil olmaq fikrində deyil və parlamentdə müstəqil deputat kimi çalışacaq.
Deputat parlamentə hazırda qeyri-parlament partiyası olan Respublika partiyasından gəlib.
Məqalə müəllifi ilə əlaqə ünvanı: [email protected]