Gürcüstan, Tbilisi, 01 may / Trend , müxbir N.Kirtsxaliya /
Mayın 15-17-də Tbilisidə "Musiqi azad edir" şüarı altında "Tbilisi Open Air - Alter/Vision" beynəlxalq musiqi festivalı keçiriləcək. Festival təşkilatçılarından biri olan Vaxo Babunaşvilinin jurnalistlərə dediyinə əsasən, festival öz miqyasına görə Gürcüstan üçün misilsiz olacaq.
Gürcü melomanların qarşısına 9 ölkədən - Gürcüstan, Fransa, Böyük Britaniya, Rusiya, Polşa, Almaniya, İslandiya, Danimarka və İtaliyadan 24 musiqiçi çıxacaq
Festivalın təşkilatçısı "Step Records" şirkətidir.
Festivalın ənənəvi olması gözlənilir.
Cari festival mayın 15-də Şarden küçəsində açılacaq və iştirakçılar üçün çadır şəhərciyinin qurulacağı cıdırda davam etdiriləcək.
Təşkilatçıların sözlərinə görə, bu festivalı yayda keçirməyi planlaşdırsalar da, bəzi əcnəbi qruplar onu "Avroviziya-2009"-la paralel təşkil etməyi təklif edib.
"Bununla qərbli musiqiçilərin "Avroviziya" müsabiqəsinə mənfi münasibəti nümayiş etdirildi. Tbilisi festivalı siyasiləşmiş, idarə edilən və bürokratik tədbirə çevrilən "Avroviziya"ya qarşı qoyulacaq", - təşkilatçılar bildirir.
Məlumdur ki, gürcü "Stefane və 3 g" qrupu etiraz əlaməti olaraq "Avroviziya-2009" da iştirak etməkdən imtina edib.
Məqalə müəllifi ilə əlaqə ünvanı: [email protected]