Azərbaycan, Bаkı, 04 may / Trend , müxbir A.Hüseynbala /
Azərbaycanın müxalifyönlü partiyası bələdiyyə seçkilərində digər siyasi təşkilatlarla əməkdaşlığı mümkün hesab edir.
"Bizim seçkilərdə təkbaşına, yoxsa digər partiyalarla birgə iştirakımız məsələsi yalnız seçki ərəfəsi müəyyənləşdiriləcək", - bazar ertəsi Trend -a Böyük Quruluş Partiyasının (BQP) başqanı, millət vəkili Fazil Mustafa bildirib.
Trend -un arayışı: Azərbaycanda bələdiyyə seçkisi 2009-cu ilin payızında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Mustafanın sözlərinə görə, hazırda partiya seçkilərə təkbaşına hazırlaşır. "Amma mövqelərimiz üst-üstə düşən digər partiyalarla əməkdaşlığımız istisna olunmur. Ona görə seçki kampaniyasına rəsmi start veriləndən sonra bir neçə partiyaya bununla bağlı təklifimizi çatdıracağıq", - partiya rəhbəri əlavə edib.
Müxalifətyönlü Böyük Quruluş Partiyası 2004 - cü ildə yaradılıb, 2005 - ci ildə dövlət qeydiyyatına alınıb. Partiyanın sədri Fazil Mustafa (Fazil Qəzənfəroğlu) Milli Məclisin deputatıdır. Partiya sədri 2008-ci ildə keçirilən prezident seçkisində namizəd olub və 2,4 faiz səs toplayıb.
Məqalə müəllifi ilə əlaqə ünvanı:[email protected]
