Azərbaycan Respublikasının Prezidenti İlham Əliyev cümə günü Avropa Ədalətli Oyunlar Hərəkatının prezidenti Karlos Qonsalvesin başçılıq etdiyi nümayəndə heyətini qəbul edib. Məlumatı AzərTAc Dövlət İnformasiya Agentliyi yayıb.
Dövlətimizin başçısı Azərbaycanda idmanın və olimpiya hərəkatının hərtərəfli inkişafından, dünya və Avropa əhəmiyyətli beynəlxalq yarışların ölkəmizdə uğurla keçirildiyindən, respublikamızda müasir idman infrastrukturunun yaradıldığından danışıb.
Prezident İlham Əliyev Avropa Ədalətli Oyunlar Hərəkatı nümayəndələrinin ölkəmizə bu səfərinin əməkdaşlığın daha da genişlənməsinə xidmət edəcəyinə əminliyini bildirib.
Qonsalves ölkəmizdə yeni idman infrastrukturunun yaradılmasını, Azərbaycan idmançılarının beynəlxalq yarışlarda yüksək nəticələr qazanmalarını dövlətimizin başçısının idmana göstərdiyi şəxsi qayğısının nəticəsi kimi dəyərləndirmişdir.
Karlos Qonsalves Avropa Ədalətli Oyunlar Hərəkatının "Şərəf" nişanını dövlətimizin başçısına təqdim edib.