...

Azərbaycanın konstruktiv müxalifət partiyası mövqeyini dəyişir

Siyasət Materials 27 May 2009 13:15 (UTC +04:00)

Azərbaycan, Bakı, 27 may / Trend , müxbir C.Babayeva /

Azərbaycanın müxalifyönlü Müasir Müsavat Partiyası (MMP) siyasi mövqeyini dəyişir.

"Partiya ölkədə baş verən proseslərə adekvat və konkret reaksiya vermək məqsədilə radikal mövqe seçib. Konstruktiv mövqedən imtina olunmasının əsas səbəbi cəmiyyətdə sosial ədalətsizlik, məmurların yerlərdə özbaşınalığı və digər neqativ hallardır. Radikal mövqe tutacaq partiya dövlət və xalqın maraqlarını üstün tutmaqla, öz missiyasını yerinə yetirərək və ölkədəki vəziyyəti dəyişməyə qadir qüvvəyə çevriləcək", çərşənbə günü Trend -a MMP sədri Hafiz Hacıyev bildirib.

Trend -un arayışı:  Hafiz Hacıyev 1992-93-cü illərdə "Azərbalıq" Dövlət Konserninin sədri olub. Əvvəl Azərbaycan Xalq Cəbhəsində, Müsavat Partiyasında təmsil olunub. 2000-ci ildə Müasir Müsavat Partiyasını təsis edib, partiya 2002-ci ildə dövlət qeydiyyatından keçib. Ötən il keçirilən prezident seçkisində Hacıyev 0,65 faiz səs toplayıb. Müasir Müsavat Partiyası özünü iqtidara qarşı konstruktiv müxalifət hesab edirdi.

Hacıyev bildirib ki, partiyanın proqramına dəyişiklik edilməsi ilə bağlı yaradılmış beş nəfərdən ibarət komissiya ilkin layihə hazırlayıb.

"İdarə Heyətində müzakirələr zamanı layihə ilkin olaraq qəbul olunub. Partiyanın rayon və şəhər təşkilatları ilə məsləhətləşmələrdən sonra onların rəy və tövsiyələri nəzərə alınaraq layihə təkmilləşdiriləcək. Proqram layihəsinin yekun olaraq İdarə Heyətinin iyunda keçiriləcək iclasında qəbul olunacağı gözlənilir", - MMP sədri deyib.

Hacıyev digər radikal müxalifət partiyaları ilə əlaqələrin qurulması məqsədilə partiyada fəaliyyət planının da müzakirə olunduğunu bildirib.    

Məqalə müəllifi ilə əlaqə ünvanı: [email protected]

Xəbər lenti

Xəbər lenti