Gürcüstan, Tbilisi, 12 iyun / Trend , müxbir N.Kirtsxaliya /
Gürcüstan Parlamenti bu gün MDB-nin iki konvensiyasının ləğvi barədə qətnaməni təsdiqləyib. Bu qətnamə ilə, qanunverici orqanın spikeri David Bakradzenin qeyd etdiyi kimi, ölkənin MDB-dən çıxması üzrə hüquqi prosedurlar tamamlanıb.
Səsverməyə MDB-nin Parlamentlərarası Assambleyası haqqında 1992-ci ilin martın 27-də imzalanmış müqavilədən, həmçinin 1995-ci ilin mayın 26-da imzalanmış Parlamentlərarası Assambleya haqqındakı konvensiyadan çıxmaq haqqında məsələlər qoyulmuşdu.
Parlament Gürcüstanın 2008-ci ildə avqust hadisələrindən sonra MDB-dən çıxması haqqında qərar qəbul edib.
Məqalə müəllifi ilə əlaqə ünvanı: [email protected]