Gürcüstanın, Tbilisi, 30 iyun / Trend , müxbir N.Kirsxalia /
Bu gün səhər Karel rayonunun Karaleti kəndində, Gürcüstan-Osetiya münaqişə zonasında yerləşən ATƏT müşahidəçiləri missiyasının əsas bazası bağlanıb.
Ərazidə yalnız obyektlərin mühafizəsi üçün yerli sakinlər qalıb.
ATƏT-in Gürcüstanda müşahidə missiyasının rəhbəri Terri Xakkala bəyan edib ki, ATƏT-in Gürcüstanda missiyasının bağlanmasını yalnız Rusiya tələb edib və bu, regionda vəziyyətin stabilləşməsinə xidmət etmir. " Bizim missiyamızın bağlanmasından sonra Tsinxvali regionunda qalan Avropa İttifaqı müşahidəçiləri üçün öz funksiyalarını yerinə yetirmək çətin olacaq və bu, yerli əhalinin təhlükəsizliyinin təmin edilməsinə mənfi təsir göstərə bilər", - o deyib.
Rusiyanın təkidi ilə Gürcüstanda iki müşahidə missiyası (BMT və ATƏT) bağlanıb. Orada yalnız Aİ-nin müşahidəçiləri fəaliyyət göstərəcək və onlar Medvedyev-Sarkozi razılaşmasına baxmayaraq, Rusiya tərəfindən işğal olunmuş Abxaziya və Cənubi Osetiya ərazilərinə daxil ola bilməzlər.
Məqalə müəllifi ilə əlaqə ünvanı:[email protected]