...

Azərbaycanın müxalif hərəkatı bələdiyyə seçkisində iştirak formasını müəyyən edə bilməyib

Siyasət Materials 20 Avqust 2009 15:38 (UTC +04:00)
"Hərəkatın son iclasında bələdiyyə seçkisində müxtəlif iştirak formaları müzakirə olunub. Ətraflı müzakirələr növbəti iclasa təyin olunub. Partiyaların daxilində iclasda müzakirə olunan məsələlərin dəyərləndirilməsinə ehtiyac yaranıb", - cümə axşamı Trend News-a hərəkatda təmsil olunan Vətəndaş və İnkişaf Partiyasının (VİP) sədri Əli Əliyev bildirib.

Azərbaycan, Bakı, 20 avqust / Trend , müxbir C.Babayeva /

Azərbaycanın müxalif Qarabağ və Respublika Uğrunda Vətəndaş Hərəkatı bələdiyyə seçkisində iştirak formasını müəyyən edə bilməyib.

"Hərəkatın son iclasında bələdiyyə seçkisində müxtəlif iştirak formaları müzakirə olunub. Ətraflı müzakirələr növbəti iclasa təyin olunub. Partiyaların daxilində iclasda müzakirə olunan məsələlərin dəyərləndirilməsinə ehtiyac yaranıb", - cümə axşamı Trend -a hərəkatda təmsil olunan Vətəndaş və İnkişaf Partiyasının (VİP) sədri Əli Əliyev bildirib.

Trend -un arayışı: Qarabağ və Respublika Uğrunda Vətəndaş Hərəkatı bu il martın 18-də keçirilən referendum zamanı yaradılıb. Hərəkatda Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təmsil olunur.

Azərbaycanda bələdiyyə seçkisinin bu ilin dekabrında keçirilməsi nəzərdə tutulub.

Əliyevin sözlərinə görə, yaxın günlərdə hərəkatda təmsil olunan partiyaların daxili müzakirələr nəticəsində münasibətləri bilinəndən sonra hərəkatın ümumi mövqeyi ortaya çıxacaq.

VİP sədri bildirib ki, Qarabağ və Respublika Uğrunda Vətəndaş Hərəkatı bir sıra qanun layihələrini Milli Məclisin payız sessiyasına qədər hazırlamağı planlaşdırır.

"Qanun layhələrinin hazırlanması məqsədilə yaradılmış işçi qrupunun üzvləri ilə də görüş keçirilib. İşçi qrupuna Seçki Məcəlləsi, "Sərbəst toplaşmaq azadlığı", "Bələdiyyələrin statusu haqqında" və "Siyasi partiyalar haqqında" qanun layihələri üzərində iş aparılması tapşırığı verilib", - Əliyev deyib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti