Azərbaycan, Bakı, 25 avqust / Trend , müxbir A.Hüseynbala /
Azərbaycanın Avropa Şurası Parlament Assambleyasındakı (AŞ PA) nümayəndə heyətinin üzvləri qurumun komitələrinin iclaslarında iştirak edəcəklər.
"Sentyabrın 4-də Mədəniyyət Komitəsinin iclası keçiriləcək və millət vəkili Rəfael Hüseynov həmin iclasda məruzə ilə çıxış edəcək", - çərşənbə axşamı Trend -a Azərbaycanın Avropa Şurası Parlament Assambleyasındakı nümayəndə heyətinin üzvü Gültəkin Hacıbəyli bildirib.
Hacıbəylinin sözlərinə görə, sentyabrın 7-də Büronun, 9-da monitorinq, 10-da isə siyasi komitələrin iclasları keçiriləcək: "Bu iclaslarda Azərbaycan nümayəndə heyətinin rəhbəri Səməd Seyidov iştirak edəcək", - millət vəkili əlavə edib.
Millət vəkili deyib ki, sentyabrın 9-da Avropa Şurasının "Qadınlara qarşı zorakığlılığa yox!" kampaniyasının milli koordinatorlarının görüşü olacaq. "İtaliyanın Venesiya şəhərində keçiriləcək tədbirdə Azərbaycanı mən təmsil edəcəyəm", - Hacıbəyli qeyd edib.
Onun sözlərinə görə, komitələrin iclaslarında Azərbaycanla bağlı heç bir məsələ müzakirə olunmayacaq.
Məqalə müəllifi ilə əlaqə ünvanı: [email protected]
