Azərbaycan, Bakı, 07 oktyabr / Trend , müxbir Ü.Sadıxova/
Fələstin Administrasiyası daxilində və bəzi siyasi partiyaların Riçard Qoldstounun Qəzza sektorundakı hərbi cinayətlərə dair məruzəsi ilə bağlı səsvermənin ləğv edilməsi üzrə Mahmud Abbasın ünvanına olan ittihamları FƏTH və HƏMAS arasında milli sülh haqqında gözlənilən müqaviləyə təsir göstərmir. Bu barədə Fələstin fraksiyasının milli sülh danışıqlarında FMA-nın (Fələstin Milli Administrasiyası) rəhbəri Nabil Şaat bildirib.
"Bu günlər çox çətin idi, çünki ilk əvvəl HƏMAS özü Qoldstounun məruzəsini bəyənmədi, lakin Prezident Abbas ilə problemlər yarananda dərhal onu ittiham etməyə cəhd etdi. Misir tərəfi də bizə bildirdi ki, bu, Fələstin partiyalarının milli sülh müqaviləsinin imzalanmasına heç bir təsir göstərməyəcək", - Trend -a Qahirədən telefonla FƏTH-in mərkəzi komitəsinin üzvü bildirib.
Fələstin Milli Adminisrasiyası daxilindəki ixtilaflar, ərəb KİV-də Abbasın Qəzza sektorunda 2008-ci il dekabrın sonu 2009-cu il yanvarın əvvəlində keçirilən "Əridilmiş qurğuşun" hərbi əməliyyatı zamanı hərbi cinayətlərin törədilməsində İsrail ordusunu və HƏMAS döyüşçülərini günahlandıran Qoldstounun BMT-dəki məruzəsi üzrə səsvermənin ləğv edilməsi əmri haqqında məlumat yayıldıqdan sonra başlayıb.
Şaatın sözlərinə görə, BMT Təhlükəsizlik Şurasındakı məsləhətlər çərşənbə günü heç bir nəticə verməsə, o zaman bəzi ölkələr BMT Baş Assambleyasının xüsusi iclasını təşkil etməyi planlaşdıracaq. Bi iclasda Fələstin Administrasiyası uğur əldə etmək niyyətindədir.
Misirin vasitəçiliyi ilə Fələstin partiyasının milli sülhünə dair müqaviləyə gəldikdə isə Şaat bildirib ki, oktyabrın 24-də bütün danışıq tərəfləri Qahirədə toplaşmalıdır, oktyabrın 26-da isə Fələstin milli sülhü barədə sənəd imzalanacaq.
Şaat deyib ki, Misirin FƏTH-lə HƏMAS arasında razılıq təşəbbüsünü hər iki tərəf bəyənsə də, Qəza sektorunda birgə təhlükəsizlik qüvvələrinin yerləşdirilməsi məsələsi hələ də həll olunmamış qalır.
Misirin vasitəçiliyilə FƏTH-lə HƏMAS arasında keçirilən altı danışığa baxmayaraq, Fələstin partiyaları əvvəlki kimi razılığa gələ bilməyiblər.
İki Fələstin partiya arasında ixtilaf 2007-ci ilin yayında FƏTH-lə HƏMAS üzvləri arasında olan silahlı toqquşmalardan, həmçinin Qəzza sektorunda və Qərb Sahillindəki həbslərdən sonra başlayıb.
HƏMAS-ın üzvləri FƏTH-in təhlükəsizlik qüvvələrini Qəzzadan çıxarıb anklavanı öz nəzarəti altına götürə bilmişdi. İsrailin keçən ilin dekabrında Qəzzada başladığı və 22 gün davam edən "Əridilmiş qurğuşun" hərbi əməliyyatından sonra ərəb ölkələri, xüsusilə də Misir Fələstin fraksiyalarını danışıqlar masası arxasında oturmağa və vahid Fələstin hökuməti yaratmağa çağırdılar.
Şaat deyib ki, FƏTH-in HƏMAS-la barışığında əsas məsələ gələn il keçiriləcək parlament və prezident seçkilərinin dəqiq tarixinin təyin olunmamasıdır.
O, Trend -a deyib ki, indi fələstinlilərin milli barışığında əsas məsələ seçkilərdir. "Biz seçkiləri bir neçə müddətə təxirə salmışıq (HƏMAS-la olan danışıqlara görə), amma indi onun dəqiq tarixini təyin etməliyik", - Şaat deyib.
Onun sözlərinə görə, milli administrasiya seçkilərin keçirilməsinə hazırdır.
Məqalə müəllifi ilə əlaqə ünvanı: [email protected]
