Azərbaycan, Bakı, 17 oktyabr / Trend , müxbir M.Əliyev /
"İrəli" İctimia Birliyi əhalinin diqqətinin Azərbaycanda bələdiyyə seçkillərinə cəlb edilməsi, gənclərin seçkilərdə seçici, o cümlədən namizəd qismində iştirakının stimullaşdırılması üzrə layihənin həyata keçirilməsinə başlayıb, bu barədə şənbə günü birliyin mətbuat xidmətindən bildirilib.
"Bələdiyyələr 2009: gənclərin yerli özünüidarəetmə orqanlarına keçirilən seçkilərdə iştirakının stimullaşdırılması" layihəsi gənclərin bələdiyyələr , ictimaiyyət-bələdiyyə münasibətlərinin inkişafı sahəsində gənclərin maarifləndirilməsinə yönəlib. Layihə çərçivəsində "İrəli" İB oktyabrın 21-dən noyabrın 20-nə kimi 56 şəhər və rayon mərkəzlərində "Demokratiya həftəsi" mövzusunda seminarlar keçirəcək. Layihənin sonunda seçkilərə müşahidəçi qismində qoşulmaq istəyənlər üçün seminarlar təşkil ediləcək.
Məqalə müəllifi ilə əlaqə ünvan: [email protected]