Azərbaycan, Bakı, 20 oktyabr / Trend , müxbir A.Hüseynbala/
Azərbaycan müxalifəti Dağlıq Qarabağ problemi ətrafında yaranmış indiki vəziyyətlə bağlı Milli Müqavimət Hərəkatı yaratmaq niyyətindədir, Trend -un məlumatına görə, bunu çərşənbə axşamı jurnalistlərə "Müsavat" Deputat Qrupunun üzvu Pənah Hüseyn bildirib.
"Biz Azərbaycan cəmiyyətinin və beynəlxalq ictimaiyyətin diqqətini bir daha Dağlıq Qarabağ probleminə cəlb etmək üçün Milli Müqavimət Hərəkatı yaratmaq məcburiyyətindəyik. Bununla bağlı muxalif partiyaları arasında məsləhətləşmələr gedir və yaxın zamanda qərar qəbul ediləcək", - Hüseyn əlavə edib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
Məqalə müəllifi ilə əlaqə ünvanı: [email protected]