Azərbaycan, Bakı, 19 noyabr / Trend , müxbir S. Ağayeva/
Çexiyanın Azərbaycandakı səfirliyi dekabr ayının ilk həftəsindən fəaliyyətə başlayacaq. Bu barədə cümə axşamı Praqadan telefonla Azərbaycanın Çexiyadakı səfiri Tahir Tağızadə Trend -a bildirib.
Çexiya Respublikasını Azərbaycanda dekabr ayının əvvəllərində Bakıya gələcək səfir Radek Matula təmsil edəcək.
Azərbaycan Çexiyada diplomatik nümayəndəliyini 2007-ci ildə açıb.
Azərbaycan Dövlət Statistika Komitəsinin məlumatına görə, iki ölkə arasında əmtəə dövriyyəsi 2009-cu ilin yanvar-sentyabr aylarında 21,2 milyon dollar təşkil edib.
Məqalə müəllifi ilə əlaqə ünvanı: [email protected]