...

Azərbaycanın müxalifət partiyaları Avropa Şurasının seçki missiyası ilə görüşməməkdə israrlıdır

Siyasət Materials 22 Dekabr 2009 12:34 (UTC +04:00)
Azərbaycanın bir qrup müxalifət partiyası Avropa Şurasının bələdiyyə seçkiləri üzrə müşahidə missiyası ilə görüşdən növbəti dəfə imtina edib.

Azərbaycan, Bakı, 22 dekabr / Trend , müxbir A.Hüseynbala/

Azərbaycanın bir qrup müxalifət partiyası Avropa Şurasının Yerli və Regional Hakimiyyətlər Konqresinin müşahidə missiyası ilə görüşdən növbəti dəfə imtina edib.

"Bizim imtinamızın əsas səbəbi Avropa Şurasının və ATƏT-in göstərdiyi qayğısızlıqla bağlıdır", - çərşənbə axşamı Trend -a Azərbaycan Demokrat Partiyasının (ADP) sədri Sərdar Cəlaloğlu bildirib.

Trend -un arayışı: Azərbaycanda bələdiyyə seçkisi dekabrın 23-də keçiriləcək. 1718 bələdiyyəyə 15682 bələdiyyə üzvünün seçilməsi nəzərdə tutulur.

Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.

Azərbaycanda bələdiyyə üzvlüyünə 32 minə yaxın namizəd qeydə alınıb. Bu seçkilərdə həmçinin 18 siyasi partiyanın irəli sürdüyü namizədlər qeydə alınıblar. Ümumilikdə isə namizədlər partiya mənsubiyyətinə görə 30 siyasi partiyanı əhatə edirlər.

Cəlaloğlunun sözlərinə görə, demokratik cəmiyyətin bir tərəfi olan müxalifətə olan bu münasibət Avropa Şurasını təmsil edənlərin demokratiyaya formal münasibətinin əlamətidir.

"Azərbaycandan öhdəliklərin yerinə yetirilməsini tələb edən bu qurum heç öz üzərinə düşən öhdəlikləri əməlli-başlı yerinə yetirmir. Bütün bunları nəzərə alaraq bu missiya ilə görüşməyin mənasının olmadığı haqda qərara gəlmişik", - Cəlaloğlu xatırladıb.

Bundan əvvəl AŞ Yerli və Regional Hakimiyyətlər Konqresin müşahidə missiyasının müxalifətin iştirakı ilə planlaşdırdığı dəyirmi masa da baş tutmayıb.

Missiya ilə görüşə və dəyirmi masaya Azərbaycan Demokrat, Müsavat, Ümid , Xalq Cəbhəsi, Liberal, Vətəndaş və İnkişaf partiyaları dəvət olunublar.

Sаğ təmаyüllü partiya olan ADP 1991-ci ildə Sərdar Cəlaloğlu tərəfindən təsis edilib. Partiya 2007-ci ilin yanvarınadək iqtidara qarşu radikal müxalif mövqedə olub. 2008-ci ilin yanvarında ADP-nin hakimiyyətlə dialoq qurulmasu ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarlaru ADP-dən imtina edərək özlərinin Açıq Cəmiyyət Partiyasını yaradıblar.

Məqalə müəllifi ilə əlaqə ünvanı: [email protected]

Xəbər lenti

Xəbər lenti