Azərbaycan, Bakı, 09 fevral / Trend , müxbir K.Zərbalıyeva/
Bakıda yaranan enerji böhranı ilə əlaqədar küçə və prospektlərdə işıqforların işləməməsi problemlər yaradıb.
Bakı Şəhər Dövlət Yol Polis İdarəsinin ictimaiyyətlə əlaqələr şöbəsinin rəhbəri Cəmşid Hənifəyev çərşənbə axşamı Trend -a bildirib ki, işıqfor işləməyən ərazilərdə nəqliyyatın və piyadaların hərəkətini yol polisi əməkdaşları tənzimləyir.
Onun sözlərinə görə, işıqforların işləməməsi səbəbindən paytaxtın Bakıxanov, Fizuli-Rəşid Behbudov, Azadlıq-28 May, Neftçilər prospekti-Bülbül, Şıxəli Qurbanov küçələrində tıxaclar yaranıb.