Azərbaycan Prezidenti İlham Əliyev martın 5-də Müdafiə Sənayesi Nazirliyinin "Üfüq" İstehsalat Birliyinin "Dalğa" elm-istehsalat müəssisəsinin yenidənqurma işlərindən sonra açılışında iştirak edib. Məlumatı AzərTAc Dövlət İnformasiya Agentliyi yayıb.
Dövlətimizin başçısı əvvəlcə müəssisənin həyətində ümummilli lider Heydər Əliyevin büstü önünə gül dəstəsi qoyub.
Prezident İlham Əliyev inzibati binanın rəmzi açılışını bildirən lenti kəsib, müəssisənin əvvəlki vəziyyətini əks etdirən videosüjetə baxıb.
Dövlətimizin başçısı binada yaradılan Heydər Əliyev guşəsi ilə tanış olub.
Məlumat verilib ki, 1936-cı ildə yaradılmış "Dalğa" EİM keçmiş SSRİ-nin hərbi sənaye kompleksinin aparıcı müəssisələrindən biri olub. Müdafiə Sənayesi Nazirliyinin balansına keçdikdən sonra müəssisənin dirçəliş dövrü başlayıb. İstehsalın həcmi və işçilərin sayı artırılıb.
Prezident İlham Əliyev yeni yaradılan mexaniki emal sahəsində hazır məhsul və hissələrlə tanış olub, istehsal prosesini izləyib.
Dövlətimizin başçısı müəssisənin digər sahələri ilə də tanış olub.
Prezident İlham Əliyev görülmüş işlərdən razılığını bildirib, tapşırıq və tövsiyələrini verib.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
