Azərbaycan, Bakı, 29 mart / Trend , müxbir S.Ağayeva/
Azərbaycan və Belarus arasında siyasi dialoqun inkişafını martın 30-31-də Bakıda keçirilən xarici işlər nazirlikləri arasında siyasi məsləhətləşmələr zamanı iki ölkə diplomatları müzakirə edəcəklər.
Məsləhətləşmələr XİN-in rəhbərlərinin müavinləri səviyyəsində keçiriləcək. Belarus tərəfini nazir müavini İqor Petrişenko təmsil edəcək. Bu barədə Belarusun Azərbaycandakı səfirliyi Trend -a məlumat verib.
Məsləhətləşmələr zamanı Azərbaycan və Belarus arasında münasibətlərin inkişafının əsas istiqamətləri və vəziyyəti, həmçinin, dialoqun yüksək səviyyədə inkişafı, beynəlxalq təşkilatlar çərçivəsində qarşılıqlı fəaliyyət məsələləri, müqavilə-hüquq bazasının genişləndirilməsi üzrə məsələlərə dair tərəflərin mövqelərini razılaşdırmaq planlaşdırılır.