Azərbaycan, Bakı, 7 aprel /Trend, müxbir S.Süleymanov/
Qazaxıstana Türkiyənin yeni səfiri təyin ediləcək. Bu barədə Türkiyənin Astanadakı səfirliyindən Trend-ə bildirilib.
"Səfir 51 yaşlı Lalə Ülkərdir. O, Türkiyədə səfir vəzifəsində işləyən yeganə qadındır. O, Qazaxıstana təyin edilib", - Türkiyə səfirliyindən məlumat verilib.
Hələlik Lalə Ülkər vəzifəsini yerinə yetirməyə başlamayıb, artıq sabiq səfir olan Atilla Günayın gördüyü işlərin ötürülməsi gedir. "Türkiyənin Qazaxıstandakı sabiq səfiri Atilla Günay Ankarada XİN sistemində işləyəcək", - səfirlikdəki mənbə bildirib.